понедельник, 16 февраля 2015 г.

Вашкаезлы синмаськыса

 - Привет, вилькенак!
 -Привеет!
Тӥни озьы яратонэлэн эшъесыз чырткемъясько монэным:) Бизьтозям ноку но йырам ӧз ик пырылы, кузпалэлэн эшъесыз дорам вилькенак шуыса вазиськозы. А так верано ке, яраське мыным, ку вераськонын ӵужагай, ӵуждядяй, апай выллем кылъес пыртэмын. Агаелэн нылыз но монэ апай нэ шуыса ветлэ. Маиз тумошо, эшъесыз но со сьӧры кыстӥськизы, таберезэ апай монэ шуо ))
Кин ке эшъес пӧлысь бызе ке, одно ик юалляськисько ни: "Кызьы кузпалыдлэсь анайзэ, атайзэ шуиськод? Дорад кен шуыса вазисько-а, уг-а? Одно что нырме чуртнано кадь:) 
Ӵемгес, конечно, верало, мама-папа, пе шуиськом. Дораз кен вазисько. Мон соку куанӥсько. Ачим понна кадь. Дотово мусо потэ, егит нылашез кен шуыса вазё ке. 
Кудогъесыз пумитам верало, кызьы, пе, мукет адямиосты анай-атай шуод. Соосты но валаны кулэ. Секыт ик, дыр, шуак-дуак вордэм анаедлы сяна, эшшо кинлы ке озь вераны. 
Ачим сярысь верано ке, мынам котьку но син азям ходячий примеръес вал. Агайесылэн кышнооссы капка вамен потыкузы ик мама-папа вазизы. Соин ик мыным секыт ӧй вал, курадӟыса ӧй ик улы. Ваньмыз рос-прос. Калык сямен. Вашкалаезлы синмаськыса. 


Эшшо ке на бизьымтэосты дышетыса улӥсько, кызьы кинэ верано. Бадӟым адями кадь:)) 

вторник, 23 декабря 2014 г.

Гуртын умой

Городэ вуисько ке, одно ик сиеме потыны кутске:)) Кафешкаын котме тырыса пукыкум, кык кышномуртъес вераськыса сыло.
 - Невозможно же. Такие дурацкие дороги. Не чистят, не убираются. Очень срачный город.
 - Да, да. Я вот всю обувь испоганила. Начальники зато все.. Вот бы они сами пешком походили. А то летают на самолетах.И ездят на крутых машинах.

И мон думаю, кыче айбатно, что мон гуртын улисько.





среда, 10 декабря 2014 г.

Просто так ум сётске!

Дото воже потэ. Даже мынам. Гань-гань, неконфликтной адямилэн.
Малы адями до неприличия лек луыны быгатэ? Ассэ вылие карыса, котькудӥныз ченгешыны яратэ?
Мынам уже калыкен герӟаськемын. Быгатыны кулэ калыкен ог кыл шедьтыны. Улон уг юа: адямиен пумиськытэ тонэ. Пӧртэм сямо адямиосын.
Асьсэдыз вылӥе карыса, йыр вылтӥ но ортчозы, ява. Нимдэ-тулдэ но уз юалэ.. Нумырез кадь чиньыеныз зӥбозы. Нош тон ик виноватэ кылёд. Кыӵе ке ужез быдэстэм бере, кизилияськыны кутско, нош вань сюлмо тыршисьёсты сантэманы кутско.  Секыт озьы. Кин ке вераз, киостэ, пе, ӝут но «да пошло оно все на»  шу)))озьы гинэ луысал ке)….Лек, сантэмась кылъеслы пумит вера кадь но, сгоряча эшшо но алама луоз. Ойдо, ӵуказеяз буйгам мылкыдын учыр шоры учкиськод ке, одно ик визьмо валэктон вуэ. Малы керӟег муртлы мае ке валэктыны вырод, утыр пеляз пыре, утыр потэ инь.
Керетыса улэме уг поты - соин номыр но уд басьты, кыдеке уд мыны. Тыршисько палэнскыны алама муртъес бордысь, соос валлин, оло, асме котькуд пичи янгыш понна йырйисько.
Ойдо, та улонтӥ йыромем тури кадь ум лобалэ! Кулэ дыръяз чурыт кыл но вераны дӥсьтом! Ми же просто так ум сетске!


Та постме гожтӥ но капчи луиз. Кызьы шуо: «Два раза сказанная новость уже не новость»



вторник, 25 ноября 2014 г.

Наконец

     Алнаш. Мон со сярысь кылӥсько ке, юзыр кезьыр луисько. Дотово мыным со черкогурт яраське. Нырысьзэ мон отчы вуылӥ дискотекае. Универын дышетскисько на вал. Кинлы верасько - уг оско. Марай, пе, дискотека понна сокеме но вуылод. Ну, вот кельше мыным со и точка. Калыклэн лякыт сямыз, капчи мылкыдыз. Озьы учконо ке, тодмо но шаплы адямиос ваньмыз ик Алнашысь потэмын. Вероника Ваулина, Петя Пушкин, Бикузин выжыос но и т.д. и т.п. 
     Алигес, Алена эшелэн сюаназ ветлӥм. Бызьтӥм ми сое, наконец таки, Алнаш еросэ. Мон снова побывала в радости!! И быдэсмиз  лӧль малпанэ: Алнаш сюанын шулдыръяськыны.  Сыӵе яраськиз милемлы отын.  Ньыль баян шудэм улсын кӧня эктӥм, кӧня кырӟам! Тузон ик, ява, пурӟиз:) Выж вылтӥ нуыкуз, сомында машина дугдылӥз. Мукет сюанъесын чик но сыӵе мылкыдоесь ӧвӧл. Только паймымон вал мон понна, малы алнаш калык удмурт дэрем дӥсяса лыктӥллямтэ. Сюлмаськиллямтэ.
     Шумпотӥсько эше понна, аслэсьтыз яратоно парзэ шедьтӥз. Гажанэз кыз йылысь васькиз:))). Сыӵе чебересь, мусоесь соос.


среда, 19 ноября 2014 г.

УКД

Али олокыче но кыл дышетонъя группаос вань. Мылыд-кыдыд луиз ке коньдонэн чош, пожалуйста, любой каприз за ваши деньги. Коть фрацуззэ, коть англизэ, испанзэ но итальянзэ:) Тумошо потоз, дыр, мон берло дыре удмурт кыл борды кутиськи. Аслым ужпум пукти: кузпалме чукна келяса, выль кылъесын тодматскыны. Мыным кельше портэм диалектъесты вераськонам пыртыны. Монэ уг ке но валало, зато тунсыко:) Кинэн вераськисько но йыразы кельтозы, сыче кыл вань шуыса. Так что, друзьятоварищи, мукет кылэз тодон, дышетон понна, азьло вордскем кылдэс тодэ в совершенстве.

Мынам юрттисе тани: http://vk.com/udmurteveryday

среда, 5 ноября 2014 г.

Не волнуйся, Олли!

     Контактэ именике тырысен ӧй пыра. Релаксировала. Ужай. Лыдӟиськи. Ну и сиськылӥ но:) Зато пыри но уюй!!!уюй кӧня ӟечкыланъёстэс  лыдӟи. Мон в радости! Тау!
20 аресозь бабуляе тыбырам вешаса, котьку вералля вал: "Э-э, нылы, нянед пыжымтэ на"
Али но вешамысь уг дугды. Только няне пыжемын ни. Визьмаськемын, вылды. Будэмын. Быземын но тарезэ.

     Мон ваньзылы шуи, вордиськем нуналме уг лэсьты шуыса. А то вань нуналзэ возьмаськыса кадь улоно. Вообщем не планировала. Монъя ӧз кариське. Ӝытазе куноосы люкаськизы ӝок тыр ик. Соос мыным праздник лэсьтӥзы. Таяз радэ мон не волновалась, а волновала)))) Со адямиосыным мон дась даже шып пукыны. Соос вӧзын мынам сюлмы каньыл улэ.  Гань-гань.


    Удивительно, но факт: ӟечкылазы даже соос, кинлэсь мон номеръессэс кемалась ӵушылӥ ни..

Машик сяна фоткатись но ӧз лу))

вторник, 6 мая 2014 г.

Кинлы мар

Интернетын нечего кема пукыны. Олома вылэ но натыкачкисько. Кин ке сиёнзэ туспуктэ, кин ке выль штанизэ, кин ке мэйкапзэ, кин ке мукет городъесы вуылэмзэ. Молодецъес, быгато ке. Мон но молодец. Мон но быгатӥсько. Только аслам бакчаям, ас вордиськем гуртам, ужам. КЕЛЬШЕ. Тулыс пӧртэм сяська кидыс басьтыса, соослэсь сяськаямзэс возьманы. Нырысети огреч вуэ ке, сое ваньмызлэсь первой шымыртыны. Коркась сяськаосын вырыны, будэтыны. А-а-пай шуисеным кырӟанъес кырзаны. КЕЛЬШЕ. Только мон тодисько, что Италие мон ноку уг вуылы, что Парижез мон уг адӟы. Хоть кӧня вералэ, что пинал ук, пересьмытозяд одно ик ветлоно. Уг поты. Уг поты палэнэ кошкеме. Уг валаськы кин кӧсык вакытэ, бакча ужъес мынон дыръя, самолетэ пуксьыса лобӟе. Видимо до такой степени выжы лэземын инь дорам. Ну, вообщем, кинлы мар. Да веть?